ГЛАВНИ ФАЗИ НА РАЗВОЈ КАЈ ДЕЦАТА

Повеќето мајки ги споредуваат своите деца со туѓи, кои се на иста возраст како нивните. Го правите ли и вие ова? Се наоѓате ли себеси како ги преиспитувате своите родителски вештини ако вашето бебе гугнало подоцна отколку она на вашите пријатели?

Опуштете се! Секое бебе е различно. Но, ако сакате да се уверите дека вашето најмило расте како што треба, дозволете да ви помогнеме!

12 Главни фази на развој кај децата:

Ви ги набројуваме главните фази на развој кај децата. Ако сакате да дознаете нешто повеќе само продолжете да читате.

1. Еден до два месеци

Помеѓу времето од кога бебето ќе се роди и ќе наполни два месеци, тоа може да ги развие следниве вештини:

• Моторички вештини: Вашето доенче може да го држи главчето исправено и црсто додека го држите во раце.
• Говорни вештини: На оваа возраст може да гуга.
• Социјални вештини: Сега е време за љубов кон другите лица! Вашето доенче ќе сака да гледа во нови, непознати лица. Во оваа фаза може да покажува знаци на насмевка!

2. Три месеци

Кога вашето доенче ќе наполни три месеци ќе ги има развиено следниве вештини:

• Моторички вештини: Ќе може да се исправи самостојно на рачињата додека лежи на стомаче. Ќе почне да се врти од странична положба на грб.
• Говорни вештини: Ова е времето кога вашето малечко станува свесно за својот глас и ќе почне да гуга во изобилие.
• Социјални вештини: Обожава да гледа нови лица и да им се смее, веќе станува социјална личност сакана од околината.

3. Три до пет месеци

Периодот од три до пет месеци е многу интензивен кога станува збор за развојот на детето.

• Моторички вештини: Бидете спремни за рок-ен-рол бидејќи вашето малечко сега ќе може да се врти од меше на страна! Ќе може да се крепи на лактови, да се исправува и само да ја исправува главата подолго време.
• Говорни вештини: Време е да слушате звуци како „ииии-хааа„, да гледате прекрасни балончиња како излегуваат од неговото усте и да го слушате најслаткото смеење.
• Социјални вештини: Вашто бебе е во најдружељубива фаза во оваа возраст.

4. Шест месеци

Првата половина од првата година на вашето бебе помина како во сон. Можете да испуштите звук на олеснување и да почнете да им се радувате на активностите кои допрва ќе следат.

• Моторички вештини: Вашето бебе сега ќе може да префрла предмети од едното во другото раче. Ќе може само да се исправа во стоечка положба и да седи со поддршка.
• Говорни вештини: Спремете се за малку врева!!! Вашето бебе сега ќе почне да испушта звуци од два слога и истовремено да гуга.
• Социјални вештини: За прв пат ќе се сретнете со знаци на вознемиреност од непознати личности и тоа треба да ви биде индикатор за работите кои ќе следат.

5. Девет до десет месеци

Дојде време да ја обезбедите вашата куќа за вашето бебе да може лесно и сигурно да се движи низ неа.

• Моторички вештини: Помеѓу осум и десет месеци повеќето бебиња почнуваат да лазат и додека го прават тоа собираат работи на кои ќе наидат со своите прстиња.
• Говорни вештини: До овој момент вашето бебе е мајстор за гугање и никогаш не престанува да испушта звуци.
• Социјални вештини: Вознемирноста од непознати е во полн замав и затоа бебето постојано ќе биде раздразливо.

6. Една година

Првиот роденден на вашето малечко се наближува, па очекувајте ги следниве развојни промени:

• Моторички вештини: Ќе се обидува да се исправува и да стои задржувајќи се за мебелот. Некои малечки успеваат, на оваа возраст и самостојно да стојат неколку мигови.
• Говорни вештини: Вашето малечко брзо ја развива способноста за говор. Mоже да изговара два до три збора, но тие не мора да имаат некакво значење.
• Социјални вештини: Облекувањето треба да биде забавно на оваа возраст. Вашето малечко сега ќе почне да соработува со вас. Ќе почне да мафта за довидување и да разбира едноставни наредби.

7. Осумнаесет месеци

• Моторички вештини: До осумнаесет месеци, повеќето малечки веќе одат самостојно, без ничија помош. Можат да собираат играчки од подот без да седнуваат, да се качуваат и да се симнуваат, дури и да скокаат! Можат да фрлаат топка и да редат 3-4 коцки една над друга за да изградат кула.
• Говорни вештини: Вашето малечко сега изговара многу зборови, и дел од нив се дури и разбирливи.
• Социјални вештини: Има голема потреба од вас, постојано. Може самостојно да пие од чаша и да јаде со лажица.

8. Две години

Ужасните две се овде! Што да очекувате? Читајте понатаму!

• Моторички вештини: Вашето малечко сега веќе трча. Може да изгради кула со 6 коцки.
• Говорни вештини: Конечно може да разговарате со вашето дете. Може без мака да сврзе три до четири зборови за да формира реченица.
• Социјални вештини: Време е да почнете да штедите на пелените. Повеќето малечки на оваа возраст се учат да бидат суви преку ден.

9. Три години

Третата е забавна година. Ова е возраст на брзо растење.

• Моторички вештини: На три години вашето малечко треба да имитира движење со рацете и да црта човек. Може да направи кула од девет коцки.
• Говорни вештини: Се уморивте ли од неговите прашања?! Издржете, ова е само почетокот! Вашиот радозналко сега може да разговара со целосни реченици.
• Социјални вештини: Вашето малечко има голема потреба од вас, но сега се обидува самостојно да се облекува и соблекува.

10. Четири години

Вашето дете има четири години! Што да очекувате сега?

• Моторички вештини: Повеќето четиригодишни деца можат да скокаат на една нога.
• Говорни вештини: Вашето дете сега е извор на прашања. За се е љубопитно на оваа возраст.
• Социјални вештини: На оваа возраст може само да се облекува. Но, повеќето четиригодишници можат сами да се облекуваат и соблекуваат и сами да го користат тоалетот.

11. Пет години

Раното детство на вашето малечко скоро завршува. Поголемиот дел од интелектуалниот и физичкиот развој е на самиот врв сега.

• Моторички вештини: На пет години, вашето малечко може да скока со двете нозе, дури и да прескокнува. Може да црта и тоа да биде разбирливо.
• Говорни вештини: Секој ден учи нови зборови. Говорот на оваа возраст веќе му е течен.
• Социјални вештини: На оваа возраст се облекува и соблекува без помош на возрасен.

12. Шест години

Шест години! Каде летна времето?!

• Моторички вештини: Вашето дете знае да разликува десно и лево, и може да брои на прсти.
• Говорни вештини: Може да зборува течно.
• Социјални вештини: Сега имате скоро независна личност која заличува на мини возрасен човек.

Раниот детски развој на почеток изгледа како долготраен процес, но поминува пред да забележите. Запомнете, фазите и пресвртниците на раниот детски развој се флексибилни.  Не го поминувајте времето грижејќи се непотребно за некое минимално доцнење, освен во случај ако вашето дете забележително и значително доцни во развојот.

Наместо да се грижите непотребно, работете со вашето дете во развивање на неговите когнитивни и моторички вештини низ игра.